حصلى قبل كدة كتير إنى لقيت مفاصلى بتوجعنى ,معدتى بتوجعنى ,كليتى بتوجعتى لكن من فترة لقيت حصلى حاجة غريبة أوى كنت نايم فى أمان اللة بحلم بعمنا أفلاطون و المدينة الفاضلة والكلام الفارغ اللى ما يجيبش همة دة بعد أكلة فول متينة صحيت الصبح لقيت مصر بتوجعنى........ يانهار إسود...... أى واللة العظيم لقيت مصر نائحة عليا قلت تعمل إية ياواد فى المصيبة اللى حطت عليك دى(و محدش يتنيل و يتزاكىعليا و يقولى أعراض المرض دة إية و لا مصر دى فى أنهى حتة فى الجتة لأن ناس كتير أوى عندها نفس المرض و مخبية يعنى أنا اللى هعمل فيها فلوطة و أقول ) المهم فكرت بسرعة على غير العادة و قلت تعمل إية يا واد لو رحت للدكتور و شرحت لة حالتك حيقول عليك مجنون رسمى و حيبعتك بعثة لأقرب مستشفى مجازيب و ضميرة مستريح عالآخر و المصيبة إن الأعراض بتزيد يعنى كل ما أفتح الهباب اللى إسمة التليفيزيون و أشوف الريس بيتكلم عن حال البلد أو أشوف واحد من الوزرا بيقول تصريح من إياهم ألاقى مصر بتوجعنى أكتر و كل ما أنزل الشارع وأشوف حال الناس اللى السلك ضاربها و الفقر اللى معشش فى كل حتة و كابس على نفسنا و مش عايز يعتقنا ألاقى الحالة بتزيد لحد ما بقيت أروح أى حتة و لاقى فيها حاجة غلط ألاقى على طول مصر بتوجعنى ............... أنا زهقت ياعالم و عايز أتعالج محدش عندة حل لأخوكم الغلبان
قــــائـد
2 comments:
بص بقى يا سيدي انت صعبت عليا قوي خصوصا لأن العبد لله مصاب بنفس المرض و الذي كثيرا ما يصاب به اهل مصر المهروسة ...عفوا المحروسة و لكنني عندما ظهرت عليا مثل هذه الاعراض لجأت لاستشاري الامراض الوطنية الاستاذ الدكتور سيد طناش و اعطاني هذه الوصفة المذهلة ........... أولا : الابتعاد بشكل نهائي و فوري عن جميع انواع نشرات الاخبار المحلية منها او الفضائية ففي المحلية حتتخنق لأنهم مبيجيبوش الحقيقة و في الفضائية حتتخنق لأنهم بيجيبوا الحقيقة
ثانيا : الاكثار من مشاهدة الافلام الهابطة و البرامج التافهة و الاستماع الى الاغاني التي ليس لها معنى لكي ينشغل عقلك بالتفكير في معناها و تنسى مصرك اللي بتوجعك و يفضل الاستماع الى مطربين معينين و مجربين امثال الاستاذ شعبو و الشيخ سعد الصغير و اخيرا و ليس اخرا فان لم تنفع هذه المحاولات في علاج هذا المرض العضال و هو نفس ما حدث لي فنت يا ولدي مهروس مهروس مهروس يا ولدي و سيكون قدرك ان تعيش مهروسا في بلد اما ان تكون في شريفا مهروسا او فاسدا هارسا
شكرايا أستاذ صداع على التعليق الرائع
Post a Comment