هذا العنوان ليس إسما لأحد العلماء المشاهير الحاصلين على جائزة نوبل أو أحد السياسيين الأتراك المرموقين بمناسبة وجود إسم جودت و لكنة إحتصارا للمقارنة حيث أن المقطع الأول خاص بالمستشار جودت الملط رئيس الجهاز المركزى للمحاسبات و تقديمة لتقرير حول الحساب الختامي للموازنة العامة للدولة و تقييم الآداء الحكومى وعرضة على مجلس الشعب و المقطع الثانى خاص بلجنة ڤينوجراد الحكومية المختصة بتقييم أداء الجبش الإسرائيلى فى حرب لبنان الأخيرة أولا.. تقرير جودت الملط وتحدث فية عن عدم سلامة المركز المالي للدولة واستقرار ارتفاع حجم الدين العام الداخلي وتخطيه الحدود الآمنة وحذر مما يحدث من اعتماد علي منهجية الاقتراض من أجل سداد الديون وعدم تخصيص الجزء الأكبر من القروض للاستثمارات المنتجة التي تتيح سداد الأعباء الناشئة عن عمليات الاقتراض وأن الدين العام تزايد بنسبة 95.2% من الناتج القومي و أيضا تزايد العجز الصافي في الموازنة وأن اجمالي الدين العام الداخلي والخارجي يمثل 124.6% من الناتج المحلي وأيضا قصور آليات الدولة المستخدمة في توزيع مبالغ الدعم الأمر الذي يترتب عليه تضاؤل المردود الاجتماعي للفئات الأقل دخلا وبما يؤدي الي ضياع الهدف الحقيقي من الدعم وذهابه لغير مستحقيه و خاصة وقد أشار تقرير الجهاز المركزي الي تضارب وتناقص بيانات الأجهزة المسئولة والوزارات و هذا التقرير فى مجملة موجة بالأخص إلى رئيس الوزراء و وزير المالية ويبين حجم التقصير الفظيع فى الأداء الحكومى ولكن بعد كل هذا لا حياة لمن تنادى ولن يعاقب أحد ولن يوجة اللوم أو العتاب إلى أحد و سيظل كل مسئول فى موقعة و هذا التقرير يفضح بلد ضرب الفساد فى كل موقع و شبر منه
ثانيا.. تقرير لجنة ڤينوجراد وهي لنجة فحص حكومية شكلت للتحقيق في مجريات الحرب الاخيرة على لبنان و الأداء العسكرى و الحكومى خلال الحرب و إن تقرير اللجنة لم يوجه اللوم فقط لقادة المستويين العسكري والسياسي الحالين ، ولكن أيضًا للسابقين،و منهم وزير الدفاع السابق شاؤول موفاز، ورئيس الأركان السابق و ارئيل شارون رئيس الوزراء الإسرائيلي السابق، الذاهب في غيبوبة منذ مدة طويلة ، نشرت اللجنة الشهادات التي أدلى بها أمامها ما يعرف بالثلاثة الكبار: رئيس الوزراء اهود اولمرت، ووزير الدفاع عمير بيرتس ورئيس الأركان السابق الذي قاد الحرب دان حالوتس و أعلن وزراء وسياسيون، ممن أدلوا بشهادات أمام لجنة فينوغراد، أنهم على استعداد لنشر شهاداتهم كاملة ، ومن بين هؤلاء وزير الصناعة والتجارة والأشغال ، ووزير البنى التحتية ، وهما من اعضاء المجلس الوزاري الأمني المصغر، ورئيس الليكود بنيامين نتنياهو، ورئيس الحكومة سابقًا إيهود براك... وقد تم توجية اللوم إلى رئيس الوزراء و وزير الدفاع وإستقال قبل ذلك رئيس الأركان و تعلم الإسرائيليين من أخطائهم فى أثناء الحرب .... الفرق بيننا و بينهم أنة لا أحد عندهم فوق القانون والمحاسبة و أنهم لا يكررون أخطاء الماضى وعندنا كل المسئولين فوق القانون والمحاسبة لذلك هم يتقدمون و نحن نتأخر وبعد كل ذلك لا حياة لمن تنادى و سيبقى الحال كما هو علية
ثانيا.. تقرير لجنة ڤينوجراد وهي لنجة فحص حكومية شكلت للتحقيق في مجريات الحرب الاخيرة على لبنان و الأداء العسكرى و الحكومى خلال الحرب و إن تقرير اللجنة لم يوجه اللوم فقط لقادة المستويين العسكري والسياسي الحالين ، ولكن أيضًا للسابقين،و منهم وزير الدفاع السابق شاؤول موفاز، ورئيس الأركان السابق و ارئيل شارون رئيس الوزراء الإسرائيلي السابق، الذاهب في غيبوبة منذ مدة طويلة ، نشرت اللجنة الشهادات التي أدلى بها أمامها ما يعرف بالثلاثة الكبار: رئيس الوزراء اهود اولمرت، ووزير الدفاع عمير بيرتس ورئيس الأركان السابق الذي قاد الحرب دان حالوتس و أعلن وزراء وسياسيون، ممن أدلوا بشهادات أمام لجنة فينوغراد، أنهم على استعداد لنشر شهاداتهم كاملة ، ومن بين هؤلاء وزير الصناعة والتجارة والأشغال ، ووزير البنى التحتية ، وهما من اعضاء المجلس الوزاري الأمني المصغر، ورئيس الليكود بنيامين نتنياهو، ورئيس الحكومة سابقًا إيهود براك... وقد تم توجية اللوم إلى رئيس الوزراء و وزير الدفاع وإستقال قبل ذلك رئيس الأركان و تعلم الإسرائيليين من أخطائهم فى أثناء الحرب .... الفرق بيننا و بينهم أنة لا أحد عندهم فوق القانون والمحاسبة و أنهم لا يكررون أخطاء الماضى وعندنا كل المسئولين فوق القانون والمحاسبة لذلك هم يتقدمون و نحن نتأخر وبعد كل ذلك لا حياة لمن تنادى و سيبقى الحال كما هو علية
32 comments:
حلو الربط بين التقريرين
--------
هذه هي الحقيقة بكل قسوتها
والله يا قائد هذه واحدة من المتناقضات التي نعيشها
عمرنا من السنين آلاف وهم عمرهم خمسين
عندهم شرف وإنصاف وإحنا اللي إسمنا متدينين
آآه يا قلبي
حقيقه مره و للاسف هو ده واقعنا منذ مده ليست بالقصيره
و هو السبب الاساسي للفساد المستشري في بلادنا الان
موضوع ممتاز و ربط جيد جدا
تحياتي
عمنا قائد العزيز .. تحية و تقديرا أما بعد...
يا عني حضرتك غاوي تقلب علينا المواجع يا عم قائد؟ دعم ايه ايه ايه دعم ايه اللي انت جاي تقول عليه؟ انا بصراحة مزاجي سوداوي للغاية بعد قراءة خبر موت بنت صغيرة اسمها اميرة من جراء ةقفتها في الشمس لعدة ساعات انتظارا لوزير التعاليم ... و الله لولا مراعاتي لشعور من يقراون لكنت قلت كلام زي الزفت... يعني ايه بلد فيها سواحل و اثار و اراضي شاسعة و غاز و حاجة و سبعين مليون بنى ادم نصفهم قادرين على العمل و عندها عجز في أي شيئ؟ ..... هل يعقل ان نبيع فدادين بالهبل من اراضي القاهرة الجديدة و غيرها لمليارديرات الخليج علشان يبنوا عليها فيلل تجارية الواحدة بعدة ملايين كدة على القد و مش عارف مين اللي هايشتريها في حين ان شبابنا مش لاقيين عشة.... مرحبا بغسيل الاموال في مصر بعد انتهائه من جولته الفنية الناجحة بالخليج و تحديدا دبي... و رقصني يا جدع
قائد
انا اوافقك على كلامك ولكن اسمح لي ان اقول لكل من يعلق هنا بالنسبة لاسرائيل فان المخفي اعظم وان جميع اجهزتها فاسدة من الداخل
وما تراه على الشاشات ليس هو كل شيء
ولا اظن ان الوضع هناك افضل من مصر
فصحيح انهم ممكن ان يحاكموا ولكن هم فاسدون في نفوسهم
وديموقراطيتهم زائفة ولو لم يكن هناك عربا لمحاربتهم كانوا ذبحوا بعض
اختلف معك في الجملة الاخيرة فانهم يعيدون اخطاءهم ايضا ويكرروها
تحياتي وعذرا للاطالة
علشان كدا هما اصبحوا الاقوة بكل اسف
عارفين هما بيعملوا ايه وعايزين ايه
ومفيش حاجة بتوقفهم
لو واحد من عندهم بايز
يقضوا عليه
علشان هدفهم الاكبر
ايـــــــــــــــــــــــه
دنيا
بأكرهك وأنت بتخبطنى فوق راسى كدة كل مرة...وترزعنى حقايق مرّة
عرفت لية هم متقدمين عنا؟
عرفت لية يحق لهم سيادة العالم عننا؟؟
عرفت لية يستحقوا ان يمتطونا؟؟
هى دى الحقيقة المجردة
اثبتت دولة اسرائيل كدولة مدنيه قامت في المنطقه من خمسين سنه بس ان العيب مش في الشرق الأوسط كمكان و لا كثقافه لان الثقافة اليهوديه اقرب ما تكون لثقافتنا ، يبقى العيب فيييين يا عم قائد؟؟
اظن زي ما قالت الست : العيب فيكو يا فحبايبكو
تحياتي
زي
خد بقى الخبر ده من جريدة الوطن الكويتية يوم الجمعة اللي فات .. أو يمكن الخميس ..
إتجاه لإلغاء الجهاز المركزي للمحاسبات عقابا له على فضح سوء أداء الحكومة المصرية وإحراجها
ده كان في الوطن الكويتية .. مش جرايد معارضة مصرية .. شفت الهنا اللي بقينا فيه؟
زي ما أنت قلت لا حياه لمن تنادي
:(
تحياتي لك
العزيز شادى
هى كدة الحقيقة دايما مرة
دمت بخير أخى العزيز
أخى قنديل فى قلبى
المسألة مش بالعمر يا صاحبى الموضوع بإختصار مين فى بلدنا بيحاسب مين
فى بلدنا لا رقيب و لا حسيب
دمت بخير
أخى نون
الفساد هو دة المرض العضال الذى أصاب جسد الدولة المصرية
زلكن هل هناك دواء
اللة أعلم
دمت بخير يا نون
ناوى تروح غينيا الإستوائية و لا لأ
دمت على خير يا صاحبى
أخى واحد مصرى
عليا النعمة الكلام دة مش بتاعى دة كلام المستشار جودت الملط
وبالنسبة للسؤال بتاعك
هل يعقل ان نبيع فدادين بالهبل من اراضي القاهرة الجديدة و غيرها لمليارديرات الخليج؟
نعم يا سيدنا يعقل
طول مافية الأشكال الحلوة و مش عايز أعكعك فى الكلام اللى سحبانة وراها زى الجواميس قاعدة على قلبنا توقع الأسوأ
دمت على خير أخى الكريم
ومنورنى دايما واللة
العزيزة ياسمينا
أنا عارف إن الوضع عندهم مش زى ما الواحد فاكر
بس هما عندهم فى حاجة
اللى بيكتر الكلام علية بيقع ويتحاسب مهما كان منصبة والدليل بعيد عن لجنة فينوجراد محاسبة الرئيس الإسرائيلى موشى كاتساف بتهمة التحرش الجنسى
لكن عندناالوضع مختلف تمامالا رقيب ولا حسيب طول ما إنتا تبع الحكومة
دمت على خير أختى العزيزة
العزيزة رينا
يا بنتى هم عندهم دولة مؤسسات لكن عندنا دولة محسوبيات
وربنا بستر على الأيام الحلوة اللى جاية
دمت على خير أختى العزيزة
الشقيقة شهروزة
بأكرهك وأنت بتخبطنى فوق راسى كدة كل مرة...وترزعنى حقايق مرّة.....
بذمتك مش راسك بقت مصفحة من كتر الحقايق المرة اللى نازلة عليها زى الشوم يعنى هى جت عليا أنا
المهم سيبك أنتى
بقى برضة تخذلينى فى مشروع القفيان و تهون عليكى الصحوبية
على العموم ياللة المشاريع جاية كتير
نياهاهاهاهاه
الضحكة دى مابتفكركيش بواحدة معرفة
هاهاهاهاهاهاهاهاهاهاهاهاها
زى
مرحبا بك أول مرة
واللة شكلها كدة إن العيب فى الشرق الأوسط
أو
العيب فيكوا وفحبايبكوا
أو
العيب فى ثقافتنا وثقافيتكوا
وسليملى على الثئافة
دمت على خير
أخى يا مراكبى
إتجاه لإلغاء الجهاز المركزي للمحاسبات عقابا له على فضح سوء أداء الحكومة المصرية وإحراجها
يا نهار إسود لو الكلام دة صحيح تبقى وقعتنا مطينة بطين
واللة ولاد القديمة دول توقع منهم أى حاجة وربنا يستر
دمت على خير يا صاحبى
العزيز مايكل
هو فعلا لا حياة لمن أنادى
بس فى حاجة إسمها إنعاش وممكن دة يجيب نتيجة
هاهاهاهاهاهاهاها
دمت على خير أخى العزيز
هههههههههههه
اة بتفكرنى بواحدة أعرفها
وشقيقة كمان
أنا اتنشلت
===============
يا ابنى احنا لو عملنا مشروع القفيان دة احتمال أكون أنا أول قفا يتصدر للمشروع
علشان يتعمل عليه دراسة الجدوى
وعلى اية الأذية؟؟؟
سيبنا كدة متداريين وربنا أمر بالستر
نيااهااهاااااا
يمكن انا مش كويس اوي فهم متعلقات المحاسبات و كشف الفساد المالي
بعيد عن تخصصي
بس قدرت افهم اكتر من التعليقات
It places fhoto of Madeleine in your bloggue
Missing Madeleine!
Madeleine, MeCann was abduted from Praia da Luz, Portugal on 03/03/07.
If you have any information about her whereabouts, please contact Crimestoppers on 0800555111 Please Help
يامجرى ريق القلم على ورقه م الدفتر
اوعى لكلام خداع قبل الميعاد يفطر
خليه يكمل صوم لحد سبت النور
لو قش هوه ببنت بالتالته هيبصر
الشقيقة شهروزة
خلاص يا سيتى بلاش المشروع دة إحنا برضو خايفين على قفاك
شوفتى إحنا برضو دية حتة إسكندرانى أوعى وشك
دمت بخير أختى العزيزة
أخى شارم
و أنا كمان موضوع المحاسبات دة بعيد عن تخصصى بس أهة أدينا بنحاول
دمت بخير
david santos
i wish to help you put how
حقى أهرتل
وأنا كمان نفسى أهرتل
المهم
سيدى يا سيدى على الكلام الحلو
وعقبالى بقى لما ربنا ينفخ فى صورتى و أكتب شعر
دمت بخير
واللة نورت
جميل ان اقرا تحليل دقيق
خصوصا في اشكاليات اقتصادية
.
.
فالاقتصاد ماذا للبعض منا اشبه باللوغاريتمات
.
.
لمحة ذكية منك ان ربطت بين التقريرين
.
.
لك تحياتي
والسلام
آآآآآآآآآآآآآه يا قائد
حبيبي
لقد اسمعت من ناديت حياً
و لكن لاحياة لمن تنادي
تكلم مين وتقول لمين
ناس معندهاش دم
حرام عليك ياقائد تقلب علينا المواجع
الموضوع جميل جدا لكن الناس من كتر ما شافت زهقت وسلمت امرها لله
تحياتي ليك ولكل الغلابه الشقيانين
اخوك
محمد الجعفري
ادم المصرى
واللة موضوع الإقتصاد دة مش صعب عليك لوحدك
المهم
شكرا على الإطراء الجميل
نورت واللة
دمت بخير أخى العزيز
أخى محمد الجعفرى
إية يابنى الغيبة الطويلة دى
وحتعرف إن فية رجالة بيسئلوا عليك
المهم
أنا زيك باظبط زهقت من المواجع بس قولى أعمل إية
نفسى أكتب حاجة كويسة مش لاقى
بس إن شاء اللة أكيد حلاقى
دمت على خير أخى العزيز
على فكرة البلوج الأول بتاعك ما بيسمحش بالتعليق أنت شكلك قلبتوة برايفت
على فكرة تانى
أنا إسمى
محمد قائد
ولو مش عاجبك روح إشتكينى
هاهاهاهاهاهاهاهاهاهاهاها
Post a Comment